विदर्भाच्या उद्योग - व्यापार विकासासाठी उद्या भव्य विदर्भ विकास परिषद.
महाराष्ट्र चेंबर ऑफ कॉमर्स व उद्योग मंत्रालयाचे संयुक्त आयोजन
नागपूर : महाराष्ट्र चेंबरऑफ कॉमर्स, इंडस्ट्री, अँण्ड अँग्रीकल्चरसह राज्य सरकारच्या उद्योग विभागाच्या संयुक्त विद्यमाने विदर्भ विकास परिषद उद्या (बुधवारी दि. २१ डिसेंबर)संपन्न होत आहे, ही माहिती महाराष्ट्र चेंबर ऑफ कॉमर्स, इंडस्ट्री, अँण्ड अँग्रीकल्चरचे अध्यक्ष ललित गांधी यांनी दिली.
या परिषदेसाठी मुख्यमंत्री एकनाथ शिंदे, माननीय उपमुख्यमंत्री देवेंद्र फडणवीस यांना आमंत्रित केले आहे. उदयोगमंत्री उदय सामंत, कौशल्य विकास व पर्यटन व महिला बालकल्याण विकास मंत्री मंगलप्रभात लोढा यांची प्रमुख उपस्थितीत उदघाटन सोहळा होत आहे. सरकारच्या उद्योग विभागाचे प्रधान सचिव हर्षदीप कांबळे, एमआयडीसीचे मुख्य कार्यकारी अधिकारी डॉ. विपीन शर्मा, उद्योग विभागाचे आयुक्त दीपेंद्रसिंह कुशवाह या प्रमुख मान्यवरांच्या उपस्थितीत विदर्भ परिषदेचा उद्घाटन सोहळा होत आहे. या मान्यवरांसह विविध विभागांचे सचिव वरिष्ठ अधिकारी तसेच विविध विषयातील मान्यवर तत्ज्ञ वित्तीय संस्थांचे प्रमुख यांच्या प्रमुख उपस्थितीत संपन्न होत आहे. महाराष्ट्र सरकारचा उद्योग विभाग, सूक्ष्म,लघु एवं मध्यमउद्योग (एमएसएमई),महाराष्ट्र औद्योगिक विकास महामंडळ (एमआयडीसी) आणि महाराष्ट्र सरकारचा औद्योगिक संचनालय यांच्या संयुक्त विद्यमाने ही परिषद होत आहे. नागपूर येथील वसंतराव देशपांडे सभागृह, आमदार निवास समोर, सिव्हील लाईन्स येथे सकाळी दहा वाजता परिषदेचा उद्घाटन सोहळा होईल. सायंकाळी साडेपाच वाजेपर्यंत ही परिषद सुरु राहणार आहे. तीन सत्रात ही परिषद होत आहे. सकाळच्या सत्रात उद्घाटन सोहळा,दुपारच्या सत्रात मान्यवरांची भाषणे आणि तिसऱ्या सत्रात विदर्भाच्या उद्योग, व्यापार व कृषी उद्योग, पर्यटन या क्षेत्राचे धोरण ठरविले जाणार आहे.
या विदर्भ परिषदेच्या आयोजनामध्ये सहयोगी संस्था म्हणून फेडरेशन ऑफ इंडस्ट्री असोसिएशन विदर्भ, बुटीबोरी मॅन्युफॅक्चर्स असोसिएशन, एमआयडीसी इंडस्ट्रीज असोसिएशन हिंगणा, बुटीबोरी मॅन्युफॅक्चर्स असोसिएशन, विदर्भ इंडस्ट्रीज असोसिएशन, नाग विदर्भ चेंबर ऑफ कॉमर्स, लघु उद्योग भारती केंद्र, नागपूर चेंबर ऑफ कॉमर्स, दलित इंडियन चेंबर ऑफ कॉमर्स, एमआयडीसी असोसिएशन अमरावती, अमरावती चेंबर ऑफ कॉमर्स, चेंबर ऑफ अमरावती महानगर मर्चंट अँड इंडस्ट्रीज, विदर्भ चेंबर ऑफ कॉमर्स, अकोला इंडस्ट्रीज असोसिएशन, MIDC असोसिएशन चंद्रपूर, फेडेरेशन ऑफ ट्रेड, कॉमर्स, इंडस्ट्री, चंद्रपूर , वर्धा जिल्हा एमआयडीसी इंडस्ट्रीज असोसिएशन, लघुउद्योजक संघ, हिंगणघाट, बुलढाणा चेंबर ऑफ कॉमर्स, व्यापारी मंडळ वाशिम जिल्हा, भंडारा इंड. को-ऑप इस्टेट, गडचिरोली इंडस्ट्रीज असोसिएशन, एमआयडीसी असोसिएशन गोंदिया यांच्यासह अकरा जिल्ह्यातील विविध व्यापारी औद्योगिक संघटना सहभागी होणार आहेत. परिषदेचे नागपूर, अमरावती, अकोला, चंद्रपूर, गोंदिया, यवतमाळ, वर्धा, भंडारा, वाशिम, बुलढाणा, गडचिरोली जिल्ह्यातील सर्व व्यापारी, उद्योजक संघटना, पदाधिकारी आणि सदस्य सहनिमंत्रक आहेत.
दिवसभर होणाऱ्या विकास परिषदेत उद्योग,व्यापार, कृषी, ऊर्जा, इनोव्हेशन, पर्यटन या पाच महत्वाच्या विषयावर चर्चा होणार आहे. विदर्भाच्या विकासासाठी महत्वाची पाऊले, निर्णय आणि ठोस धोरण या परिषदेत ठरविले जाणार आहे. विदर्भाच्या विकासासाठी विविध प्रकारचे उद्योग, व्यापार, कृषी विभागासाठी विविध योजना, ऊर्जा आणि नवनिर्मितीचे संकल्प परिषदेत मांडले जाणार आहेत. उद्योग व व्यापारासह युवक व महिला उद्योजकांसाठी केंद्र व राज्य सरकारकडून विविध प्रकारच्या असलेल्या योजनांची माहिती परिषदेत दिली जाणार आहे. विदर्भातील ११ जिल्ह्यातून सुमारे दोन हजारांहून अधिक व्यापारी, उद्योजक या परिषदेत सहभागी होणार आहेत. यापरिषदेला व्यापारी, उद्योजक, कृषी उद्योजक, सेवा उद्योजक, नवउद्योजकांनी मोठ्या संख्येने उपस्थित रहावे, असे आवाहन अध्यक्ष ललित गांधी यांनी केले आहे.
मधुसूदन रुंगठा, कॅप्टन सी रणधीर, नितीन लोणकर, रवी बोराटकर, किरण पातुरकर, गिरधर मंत्री, निकेश गुप्ता, विनोद कलंत्री, निश्चय शेळके, विजय बाफना, देवेंद्र पारेख, सुरेश जैन, जुगलकिशोर कोठारी, सुनील रंभाड, गोविंद पसारी, श्रीकांत धोंडरीकर, प्रकाश लटणकर, अश्विन मेहाडिया, हुकुमचंदजी अग्रवाल, राजेंद्र सारडा, अमर मोहिते, किशोर गणात्रा, प्रवीण हिवरे, डॉ मधुसूदन गोयंका, विनय आकुलवार, रामकिशोर सारडा, विशाल अग्रवाल, अशोक अग्रवाल, अमर वझलवार, नितीन कोचे, प्रदीप माहेश्वरी, वीरेंद्र लड्डा आदी या परिषदेच्या संयोजनासाठी कार्यरत आहेत.
