नववर्ष आणि नाताळ निमित्त एमटीडीसीद्वारे विविध सवलती

 नववर्ष आणि नाताळ निमित्त एमटीडीसीद्वारे विविध सवलती

          मुंबई, दि. 20 : नाताळ आणि नववर्षाच्या स्वागतासाठी महाराष्ट्र पर्यटन विकास महामंडळ (MTDC) पर्यटकांना सर्वोत्तम सेवा आणि आरोग्यपुर्ण सुविधा देण्यासाठी सज्ज झाले असून आरक्षणासाठी विविध सवलती जाहीर करण्यात आल्या आहेत. निवासी आरक्षण www.mtdc.co या वेबसाईटवर सुरु करण्यात आले आहे. अशी माहिती महाराष्ट्र पर्यटन विकास .

          औरंगाबाद विभागातील अजंठा (फर्दापुर), लोणार, नाशिक विभागातील ग्रेप पार्क, भंडारदरा, पुणे विभागातील महाबळेश्वर, लोनावळा (कार्ला), माळशेज घाट, माथेरान, कोकणातील तारकर्ली, कुणकेश्वर, हीरहरेश्वर, गणपतीपुळे ही पर्यटकांची मुख्य आकर्षण ठरत असून आतापर्यंत 90 टक्के आरक्षण झाले आहे.

       पर्यटकांना पर्यटन विषयक सुविधा, खाद्यपदार्थांची माहीती, आसपासच्या निसर्गाची माहिती, स्थानिक खेळ, परंपरा, सांस्कृतिक कार्यक्रम, वन्यजीव, वृक्षवल्ली, तसेच महामंडळामार्फत पर्यटकांसाठी घेण्यात येणारी खबरदारी, सुरक्षिततेच्या उपाययोजना यांची माहीती वेबसाईट, फेसबुक आणि व्हाट्‌सॲप ग्रुपच्या माध्यमातुन देण्यात येत आहे.          

          सध्याच्या वातावरणात पर्यटकांना आयुर्वेदीक आणि नैसर्गिक खाद्यपदार्थ आणि वातावरण उपलब्ध करुन देण्यात येणार आहे. पर्यटकांना स्वच्छ आणि रमणीय समुद्रकिनारे, ऐतिहासिक गड-किल्ले, प्राचीन मंदिरे आणि संस्कृती, हिरवागार निसर्ग, अप्रतिम खाद्यपदार्थ यांची मेजवानी देण्यासाठी तयारी करण्यात आली आहे. स्थानिक कला, संस्कृती आणि परंपरा यांचा अनुभव घेता यावा यासाठी नियोजन करण्यात आले आहे. स्थानिक कलाकार, पर्यटन उद्योगाशी निगडीत व्यावसायिक यांना आणि उभरत्या कलाकारांना प्रोत्साहन देतानाच पर्यटक निवासांमध्ये आकर्षक विद्युत रोषणाई करण्यात येणार आहे. योगा आणि वेलनेसची शिबिरे घेण्याचा मानस असुन स्थानिक सहली, ट्रेक, गडभ्रमंती यासारखे उपक्रम राबविण्यात येणार आहेत. विविध छंद, पारंपारीक खेळ, इत्यादी बाबींना प्राधान्य देण्यात येणार आहे. पर्यटक निवासाच्या 100 किमी च्या परिसरातील पर्यटन स्थळांची माहिती देण्यात येणार आहे.

पर्यटकांना उत्तम सुविधा द्या : व्यवस्थापकीय संचालक श्रध्दा जोशी-शर्मा

        महाराष्ट्र पर्यटन विकास महामंडळाद्वारे एकुण 30 निवास आणि उपहारगृह यांचे परिचालन होत आहे. महामंडळाच्या कर्मचारी वर्गाने केलेल्या अथक प्रयत्नांमुळेच आज महामंडळाची ख्याती साऱ्या भारतभर पसरली आहे. केवळ महाराष्ट्रातुनच नव्हे तर देशभरातुन असंख्य अतिथी पर्यटक निवासामध्ये वास्तव्यास येत असतात. पर्यटकांना उत्तम सोयी-सुविधा पुरविल्या जाव्यात, अशा सूचना महामंडळाच्या व्यवस्थापकीय संचालक श्रध्दा जोशी-शर्मा यांनी दिल्या आहेत.

                                                   सोयी – सुविधा

             पर्यटकांच्या सुरक्षेस सर्वोच्च प्राधान्य देताना शासनाने दिलेल्या मार्गदर्शक सुचनांचे काटेकोरपणे पालन करीत उपहारगृह, रिझॉर्ट आणि अनुषंगिक बाबींची तसेच परिसराची काटेकारेपणे स्वच्छता आणि पर्यटकांना त्याच्या खोल्यांपर्यंत अल्पोपहार, जेवण आणि अन्य अत्यावश्यक सुविधा पुरविण्यात येत आहेत. तसेच शासनाच्या सर्व नियमांच्या अधीन राहुन प्री – वेडींग फोटोशुट आणि डेस्टीनेशन वेडींगचीही सोय करण्यात येणार आहे. वर्क फ्रॉम नेचर आणि वर्क विथ नेचर या संकल्पनेअंतर्गत काही रिझॉर्टवर वाय फाय सुविधा पुरविण्यात येत आहेत. महाव्यवस्थापक चंद्रशेखर जयस्वाल यांच्या मार्गदर्शनाखाली सर्वत्र नियोजन करण्यात येत आहे.

         पर्यटनाबरोबरच पर्यावरण आणि भारतीय संस्कृतीचा ठेवा जपत पर्यटनाचा आनंद द्विगुणित करावा असे आवाहन महाराष्ट्र पर्यटन विकास महामंडळाचे प्रादेशिक व्यवस्थापक दिपक हरणे यांनी केले आहे.

अनुसूचित जाती वस्ती विकास योजनेच्याअंमलबजावणीसाठी जीआयएस मॅपिंग

 अनुसूचित जाती वस्ती विकास योजनेच्याअंमलबजावणीसाठी जीआयएस मॅपिंग

- संजय राठोड.

            नागपूर, दि. २० : राज्यातील अनुसूचित जाती वस्ती योजनेतील कामांमध्ये दुबारता टाळावी आणि कामामध्ये पारदर्शकता यावी यासाठी या योजनांच्या माहितीचे जीआयएस मॅपिंग करण्याचा निर्णय घेण्यात आला होता. हे काम गतीने पूर्ण करण्याचा प्रयत्न असल्याची माहिती मंत्री संजय राठोड यांनी विधानसभेत दिली.

            विधानसभा सदस्य लहू कानडे यांनी उपस्थित केलेल्या लक्षवेधी सूचनेवेळी मंत्री श्री. राठोड बोलत होते.

            अनुसूचित जाती वस्ती विकासासाठी जिल्हा नियोजन समितीच्या माध्यमातून निधी उपलब्ध करून दिला जातो. ग्रामसभेच्या माध्यमातून कामांची यादी गटविकास अधिकारी यांच्यामार्फत जिल्हा परिषदेकडे येते आणि नंतर ती जिल्हा नियोजन समितीकडे पाठविली जाते. सर्वच अनुसूचित जाती वस्त्यांमध्ये विकास कामे मार्गी लावणे, त्या भागाचा सर्वांगीण विकास व्हावा हाच हेतू त्यामध्ये आहे, अशी माहितीही मंत्री श्री. राठोड यांनी दिली

            कामांमध्ये पारदर्शकता असावी यासाठी राज्य शासन आग्रही आहे. त्यासाठी जीआयएस मॅपिंग काम गतीने व्हावी यासाठी सूचना देण्यात आल्या आहेत. लोकसंख्येच्या निकषानुसार अनुसूचित जाती वस्ती विकासासाठी या योजनेत निधी दिला जातो. शहरी भागात नागरी वस्ती दलित वस्ती सुधार योजना राबवली जाते. वस्ती विकासासाठी दिलेला निधी त्याच कामांसाठी खर्च होईल.कामातील दुबारता टळेल, असे मंत्री श्री. राठोड यांनी सांगितले.

            लक्षवेधीवरील या चर्चेत विधानसभा सदस्य श्री. कानडे यांच्यासह सदस्य वर्षा गायकवाड, प्रणिती शिंदे, ज्ञानराज चौगुले, जितेंद्र आव्हाड, दीपक चव्हाण आदींनी सहभाग घेतला.

000

श्रद्धा वालकर हत्या प्रकरण जलदगती न्यायालयात चालावे

विधानसभा लक्षवेधी सूचना :

श्रद्धा वालकर हत्या प्रकरण जलदगती न्यायालयात चालावे.

यासाठी केंद्रीय गृहमंत्र्यांना विनंती करणार

- उपमुख्यमंत्री देवेंद्र फडणवीस.

            नागपूर, दि. २० : श्रद्धा वालकर हत्या प्रकरणी आरोपीला लवकरात लवकर कडक शिक्षा व्हावी यासाठी हे प्रकरण जलदगती न्यायालयात चालवावे यासाठी केंद्रीय गृहमंत्री अमित शाह यांना विनंती करणार असल्याची माहिती उपमुख्यमंत्री देवेंद्र फडणवीस यांनी दिली.

            विधानसभा सदस्य अतुल भातखळकर यांनी उपस्थित केलेल्या लक्षवेधी सुचनेवेळी झालेल्या चर्चेस उत्तर देताना उपमुख्यमंत्री श्री. फडणवीस बोलत होते.

            उपमुख्यमंत्री श्री. फडणवीस म्हणाले की, श्रद्धा वालकर घटना ही माणुसकीला काळीमा फासणारी घटना आहे. या प्रकरणाचा तपास दिल्ली पोलिस करत आहेत. यापूर्वी श्रद्धाने तिला होत असलेल्या त्रासाबद्दल पोलिसात तक्रार दिली होती. महिन्याभराने नंतर ती तक्रार मागे घेण्यात आली. याप्रकरणी कोणाचा दबाव होता का, याची विशेष पथकामार्फत चौकशी केली जाईल, असे त्यांनी सांगितले.

            उपमुख्यमंत्री श्री. फडणवीस म्हणाले की, श्रद्धा वालकर हत्या प्रकरणानंतर राज्यात ४० हून अधिक मोर्चे निघाले. विविध मोठ्या १५ हून अधिक संघटनांनी त्यात सहभाग घेतला. आंतरधर्मीय विवाहाला कोणाचा विरोध नाही. मात्र, जाणीवपूर्वक एका षडयंत्राचा भाग म्हणून असे विवाह काही जिल्ह्यात होत असल्याच्या घटना समोर आल्या आहेत. यासंदर्भात काही राज्यांनी कायदे केले आहेत. या कायद्यांचा अभ्यास करून अधिक प्रभावी कायदा करण्याचा विचार करण्यात येईल. षडयंत्राचा भाग म्हणून कोणाची फसवणूक होऊ नये, हीच राज्य शासनाची भूमिका असल्याचे ते म्हणाले.

            राज्यातील छेडछाड, अत्याचाराच्या घटना रोखण्यासाठी शक्ती कायदा लागू करण्यासंदर्भात कार्यवाही सुरू आहे. केंद्रीय कायद्याचा अधिक्षेप करून आपण तो कायदा करतोय त्यामुळे विविध विभागांचे म्हणने त्यामध्ये विचारात घ्यावे लागते. यासंदर्भात राज्य शासन पाठपुरावा करत असल्याची माहितीही उपमुख्यमंत्री श्री. फडणवीस यांनी दिली.

            लक्षवेधी वरील या चर्चेत विधानसभा सदस्य श्री. भातखळकर यांच्यासह सदस्य अबू आझमी, सुनील प्रभू, आशिष शेलार आदींनी सहभाग घेतला.

000

 

गतिमानपणे मुंबईचा कायापालट

 गतिमानपणे मुंबईचा कायापालट

मुख्यमंत्री एकनाथ शिंदे यांची विधानसभेत ग्वाही

 

            नागपूर दि. २० : रस्त्यांचे काँक्रीटीकरण, पदपथ, रस्ते, उड्डाणपूल यांचे सुशोभीकरण आरोग्य व्यवस्थेचे बळकटीकरण या सर्व कामांमुळे मुंबई बदलत आहे. मुंबईकरांच्या कल्याणासाठी आगामी काळात अशाच गतिमानपणे मुंबईचा कायापालट करणार असल्याची ग्वाही मुख्यमंत्री एकनाथ शिंदे यांनी आज विधानसभेत दिली.

            मुंबई मालमत्ताकर विधेयकावर विधानसभेत झालेल्या चर्चेला उत्तर देताना मुख्यमंत्री श्री. शिंदे बोलत होते.

            मुख्यमंत्री श्री. शिंदे यावेळी म्हणाले, मुंबईच्या विकासासाठी दिलेला शब्द आम्ही पाळला आहे. मुंबई बदलत असून आता महानगरातील सर्व रस्त्यांचे ६००० कोटी खर्च करून काँक्रीटीकरण करण्यात येत आहे. सोबतच मुंबईच्या सुशोभीकरणाला देखील सुरूवात झाली आहे. त्यामध्ये रस्ते, वाहतूक बेट, पदपथ, उड्डाणपुल यांचे सौंदर्यीकरण केले जात आहे.

            मुंबईत हिंदुहृदयसम्राट बाळासाहेब ठाकरे आपला दवाखाना सुरू करण्यात आला असून प्रत्येक वॉडमध्ये हा दवाखाना सुरू होणार आहे. त्याद्वारे उपचार आणि महत्वाच्या वैद्यकीय चाचण्या देखील  मोफत करण्यात येणार आहेत. मुंबईत ५५०० आशा स्वयंसेविकांची सेवा आरोग्य सुविधा पुरविण्यासाठी घेण्यात येणार आहे. त्याचबरोबर शहर स्वच्छतेसाठी ५००० स्वच्छतादूतांची नियुक्ती केली जात असल्याचे मुख्यमंत्र्यांनी सांगितले.

            जी २० परिषद बैठकीसाठी मुंबई सजली होती. त्यासाठी केलेल्या कामाचे कौतुक जी २० परिषदेचे शेर्पा अमिताभ कांत यांनी देखील केले. विविध विकास कामांच्या माध्यमातून मुंबई बदलत असल्याचे मुख्यमंत्री श्री. शिंदे यांनी यावेळी सांगितले.

००००

अजगर

 थळ चालमळा गावात

फारच महत्त्वाचा संदेश* - कृपया काळजीपूर्वक वाचा, लक्षात ठेवा आणि पुढे पाठवा

 🙏🏻 *फारच महत्त्वाचा संदेश* - कृपया काळजीपूर्वक वाचा, लक्षात ठेवा आणि पुढे पाठवा...🙏🏻 

🔔 *उच्च धोक्याचा इशारा* 🔔

सर्व बंधू आणि भगिनींनो, कृपया तुमच्या सर्व नातेवाईक तसेच आप्तेष्टांना हा संदेश पाठवा. 

डॉ. अंजली माथूर,- चेअरमन आणि सी.एम.अो., इंडो अमेरिकन हॉस्पीटल (IAH), साऊथ डाकोटा (United states)...

हा संदेश भारतातील डॉक्टरांच्या ग्रुपतर्फे लोककल्याणार्थ प्रसारित केला जातआहे. 

१) *अॅप्पी फिझ (APPY FIZZ - हे कृत्रिम सफरचंदापासून बनवलेले एक पेय आहे.) हे पेय कृपया कोणीही पिऊ नका कारण यात कॅन्सरचे विषाणू असतात* 

२) *कोक अथवा पेप्सी घेतल्यानंतर मेन्टास (mentos) गोळ्या कधीही खाऊ नये. असे केल्याने पोटामध्ये सायनाइड सारखे विषारी रासायनिक मिश्रण तयार होते व खाणारी व्यक्ती त्वरित मरते....*  

३) *कुरकुरे कुणीही खाऊ नका कारण यात मोठ्या प्रमाणात प्लास्टिकचा वापर केलेला असतो. खरे वाटत नसल्यास हे कुरकुरे जाळा व वितळलेले प्लास्टिक स्वत: पहा.!* 

४) *पुढील धोकादायक गोळ्या घेण्याचे नक्की टाळा* - 

**D-Cold,* 

**Vicks Action - 500,*

**Actified,* 

**Coldarin*

**Cosome* 

**Nice*

**Nimulid*

**Cetrizet - D*

*कारण यांमध्ये फीनाइल प्रोपॅनाॅल अमाईड ( Phenyl Propanol Amide - PPA) नावाचे रसायन असते जे, शरीरावर सरळ हल्ला करते. अमेरिकेत (in USA) या रसायनास प्रतिबंध केलेला आहे !*

कृपया, हा मेसेज डिलीट करण्यापूर्वी तुमच्या सर्व मित्र व आप्तेष्टांना नक्की पाठवा व सहकार्य करा...!

*हा मेसेज कदाचित कुणाला तरी मदत करू शकतो म्हणून शक्य तितका फॉरवर्ड करा.*

*आणखी काही महत्त्वाचे*: 

*इंडो अमेरिकन हॉस्पीटलच्या (INDO AMERICAN HISPITAL) डॉक्टरांना मानवी शरीरात सिल्वर नायट्रो ऑक्साइड मुळे होणारा नवीन कॅन्सर सापडला आहे. म्हणजेच ज्या वेळेस तुम्ही बाजारातील मोबाइल अथवा कोणतेही रिचार्ज कार्ड नखांनी स्क्रॅच करतात तेव्हा त्यावर असलेल्या सिल्वर नायट्रो ऑक्साइडचा शरीरात प्रवेश होऊन या कॅन्सरचा धोका संभवतो. हा त्वचेला होनारा अथवा त्वचेचा कॅन्सर आहे. त्यामुळे कोणतेही कार्ड नखांनी स्क्रॅच करू नये.* तुमच्या प्रियजनांसोबत ही माहिती नक्की शेअर करा. 

👉🏻 आरोग्यासंबंधीत काही महत्त्वाच्या सूचना :-

» *फोन नेहमी डाव्या कानाला लावूनच त्यावर बोलावे.*

» *थंड पाण्यासोबत कोणतीही गोळी अथवा औषध घेऊ नये....*

» *सायंकाळी पाच वाजेनंतर जड अथवा स्थूल जेवण करू नये*.

» *रात्रीपेक्षा सकाळी उठल्यावर जास्तीत जास्त पाणी प्यावे*

» *झोपण्याची आदर्श वेळ ही रात्री दहा ते पहाटे चार पर्यंतची असते.*

» *कोणतेही अौषध घेतल्यानंतर अथवा जेवण केल्यानंतर लगेच झोपू नये*

» *ज्या वेळेस फोनची बॅटरी ही खूपच कमी झालेली असते त्यावेळेस फोनवर बोलणे टाळा. कारण त्यावेळेस रेडिएशनचा धोका हजारपट वाढलेला असतो.*

तुमच्या आप्तेष्टांना तुम्ही हा मेसेज फॉरवर्ड करू शकता का ? 

मी तर केलेला आहे! कारण, प्रेमभावनेची कोणतीही किंमत नसते !

परंतु.....

*ज्ञान हीच शक्ती होय* ✊

*इतर आवश्यक गोष्टी*:- 

यू.एस.ए. केमिकल रिसर्च सेंटर सर्च (U.S.A. CHEMICAL RESEARCH CENTER) यांनी पुढीलप्रमाणे काही महत्त्वाच्या सूचना दिलेल्या आहेत: 

*प्लास्टिकच्या कपात कृपया चहा पिऊ नका तसेच कोणत्याही पॉलीथीन पेपरवर जेवण करू नका. कारण त्याच्याने शरीरातील उष्णता वाढते व ५२ प्रकारच्या कॅन्सरला आमंत्रण मिळते.*

*तरी कृपया पुन्हा एकदा विनंती की, कृपया हा मेसेज शक्य तितका फॉरवर्ड करा*

विधिमंडळ अधिवेशन : माध्यम कक्षाचे उद्घाटन

 विधिमंडळ अधिवेशन : माध्यम कक्षाचे उद्घाटन

श्रीमती जयश्री भोज यांचा पत्रकारांशी संवाद.

            नागपूर, दि. १९ : विधिमंडळाच्या हिवाळी अधिवेशनासाठी सिव्हील लाईन्स येथील 'सुयोग' निवासस्थानी उभारण्यात आलेल्या माध्यम कक्षाचे उद्घाटन माहिती व जनसंपर्क महासंचालनालयाच्या सचिव तथा महासंचालक जयश्री भोज यांच्या हस्ते करण्यात आले.

            यावेळी श्रीमती भोज यांनी पत्रकारांशी संवाद साधला. त्या म्हणाल्या, “प्रसार माध्यमे हा लोकशाहीचा महत्त्वाचा स्तंभ असून शासनाच्या विविध योजना, निर्णय यांची माहिती लोकांपर्यंत पोहोचवण्यामध्ये माध्यमांचे योगदान मोलाचे आहे. पत्रकारांच्या अडीअडचणी सोडविण्यासाठी माहिती व जनसंपर्क महासंचालनालयामार्फत सहकार्य करण्यात येईल”, असे त्यांनी सांगितले. याप्रसंगी इतर विविध मुद्यांच्या अनुषंगानेही चर्चा करण्यात आली.

            माध्यम कक्षामध्ये पत्रकारांसाठी संगणक, वायफाय सुविधेसह इतर सर्व आवश्यक सुविधा देण्यात आल्या आहेत. माहिती व जनसंपर्क महासंचालनालयाचे नागपूर संचालक कार्यालय आणि सार्वजनिक बांधकाम विभागामार्फत या ठिकाणी पत्रकारांसाठी विविध सुविधा उपलब्ध करून देण्यात आल्या आहेत. महासंचालक श्रीमती भोज यांनी यावेळी या सोयी-सुविधांची पाहणी केली. त्याचबरोबर आरोग्य कक्षाची पाहणी केली. या सोयी-सुविधांबाबत पत्रकारांनी यावेळी समाधान व्यक्त केले.

            याप्रसंगी संचालक (प्रशासन) तथा नागपूर विभागीय संचालक हेमराज बागुल, संचालक (वृत्त व जनसंपर्क) डॉ. राहुल तिडके, उपसंचालक (वृत्त) दयानंद कांबळे, मंत्रालय आणि विधिमंडळ वार्ताहर संघाचे अध्यक्ष मंदार पारकर, नागपूर शिबिर प्रमुख विवेक भावसार, सह शिबिर प्रमुख प्रवीण पुरो, महेश पवार, सार्वजनिक बांधकाम विभागाचे शाखा अभियंता राजेंद्र बारई यांच्यासह विविध माध्यमांचे प्रतिनिधी उपस्थित होते.

0000