मिशन लक्ष्यवेध” अंतर्गत मुंबई विभागीय क्रीडा निपुणता
केंद्रासाठी निवड चाचण्या जाहीर
मुंबई, दि.२४ : क्रीडा व युवक सेवा संचालनालयामार्फत “मिशन लक्ष्यवेध” अंतर्गत मुंबई विभागीय क्रीडा निपुणता केंद्रासाठी खेळाडूंची निवड प्रक्रिया जाहीर करण्यात आली आहे. राज्यस्तर व राष्ट्रीय स्तरावर सहभाग घेतलेल्या २५ वर्षाखालील खेळाडूंनी ३१ मार्च २०२६ पर्यंत https://forms.gle/2f7ypkikdUBK
या उपक्रमाचा मुख्य उद्देश राज्यातील गुणवंत खेळाडूंना उच्च दर्जाचे प्रशिक्षण, आवश्यक सुविधा व मार्गदर्शन उपलब्ध करून देत राष्ट्रीय तसेच आंतरराष्ट्रीय स्तरावर उत्कृष्ट कामगिरी घडवणे हा आहे. या उपक्रमांतर्गत वेटलिफ्टिंग, लॉन टेनिस, शूटिंग व टेबल टेनिस या क्रीडा प्रकारांसाठी विभागीय स्तरावर निवड चाचण्या आयोजित करण्यात आल्या आहेत. निवड प्रक्रियेदरम्यान तज्ञ प्रशिक्षकांमार्फत खेळाडूंचे कौशल्य परीक्षण करण्यात येणार असून निवड झालेल्या खेळाडूंना प्रगत प्रशिक्षण व करिअर मार्गदर्शन दिले जाणार आहे. अधिक माहितीसाठी ई-मेल : missionlakshvedhamumdiv@gmail.
तालुका क्रीडा संकुल, कोपरी, ठाणे येथे ६ एप्रिल रोजी सकाळी ८.०० वाजता वेटलिफ्टिंग क्रीडा प्रकाराची निवड चाचणी होणार असून, अधिक माहितीसाठी हिमानी परब ८३९१९६४०४६ यांना संपर्क साधावा. महाराष्ट्र स्टेट लॉन टेनिस असोसिएशन, कुपरेज क्लब, मुंबई येथे ७ एप्रिल रोजी सकाळी ८.०० वाजता लॉन टेनिस क्रीडा प्रकारची निवड चाचणी होणार असून अधिक माहितीसाठी प्रीती टेमकर ९०२२२५०७५८ यांच्याशी संपर्क साधावा. शूटिंग क्रीडा प्रकाराची निवड चाचणी कामगार कल्याण मंडळ, दादर, येथे ०८ एप्रिल रोजी सकाळी ८.०० वा. होणार असून, अधिक माहितीसाठी नेहा साखरे ९८६९१९७०२२ यांना संपर्क साधावा. टेबल टेनिस क्रीडा प्रकाराची निवड चाचणी नवी मुंबई स्पोर्ट्स अँड सामाजिक विकास मंडळ, पनवेल येथे ०९ एप्रिल रोजी सकाळी ८.०० वा होणार असून, श्री. नीलकंठ आवाडे ९१६७३१७०८२ यांच्याशी संपर्क साधावा.
अर्जासोबत जन्मदाखला, शाळा सोडल्याचे प्रमाणपत्र, आधार कार्ड, क्रीडा कामगिरीचे प्रमाणपत्र, बोनाफाईड सर्टिफिकेट व पालक संमतीपत्र जोडणे आवश्यक आहे. निवड चाचणीच्या दिवशी मूळ कागदपत्रांसह उपस्थित राहावे, असे आवाहन करण्यात आले आहे.
No comments:
Post a Comment