महिला लोकशाही दिनी होणार महिलांच्या तक्रारींचे निवारण
मुंबई, दि. २१ : प्रत्येक महिन्याच्या तिसऱ्या सोमवारी महिला लोकशाही दिनास महिलांनी आवर्जून उपस्थित राहून प्रश्न मांडण्याचे आवाहन जिल्हा महिला व बालविकास अधिकारी शोभा शेलार यांनी केले आहे.
मुंबई शहर येथील जिल्हाधिकारी कार्यालय येथे सकाळी ११ वाजता महिला लोकशाही दिन बैठकिचे आयोजन करण्यात आले आहे. महिला लोकशाही दिन बैठकीत आपल्या तक्रारीचे निवारण करण्याकरिता महिलांनी जिल्हा महिला व बालविकास अधिकारी कार्यालय, ११७ बीडीडी चाळ, पहिला मजला, वरळी, मुंबई ४०००१८ येथे अर्ज सादर करावा.
विहित नमुन्यात नसणारी व आवश्यक असणारी कागदपत्रे न जोडलेले अर्ज, सेवाविषयक आस्थापनाविषयक बाबी, तक्रार निवेदन वैयक्तिक स्वरूपाचे नसलेले अर्ज स्वीकारले जाणार नाहीत याची नोंद घ्यावी, असे आवाहनही प्रसिद्धीपत्रकाद्वारे करण्यात आले आहे.
No comments:
Post a Comment