राज्यपालांकडून पसायदान ओव्या ऐकून ज्येष्ठ नागरिकांना सुखद धक्का

‘चला कल्पतरूंचे आरव। चेतना चिंतामणीचे गाव। बोलते जे अर्णव। पीयूषांचे’...

            मुंबई, दि. 13 : राज्यपाल भगतसिंह कोश्यारी यांच्या तोंडून उत्स्फूर्तपणे निघालेल्या पसायदानातील ओव्या ऐकून ज्येष्ठ नागरिकांना सुखद धक्का बसला.

            'विसावा' ज्येष्ठ नागरिक संघ या संस्थेच्या ४० सदस्यांनी अलीकडेच राज्यपाल भगतसिंह कोश्यारी यांची राजभवन येथे सदिच्छा भेट घेतली, त्यावेळी झालेल्या अनौपचारिक गप्पांच्या वेळी राज्यपालांनी त्यांना तोंडपाठ असलेल्या ओव्या सहजतेने म्हणून दाखवल्या. 

            भगवदगीतेतील काही श्लोक वारंवार उद्धृत केले जातात त्यामुळे ते लोकांच्या परिचयाचे झाले आहेत. त्याचप्रमाणे ज्ञानेश्वरी, मनाचे श्लोक, संत तुकारामांचे अभंग आदी संत साहित्यातील निवडक श्लोक देखील व्यवहारात वापरून रूढ केले पाहिजे जेणेकरून ते नव्या पिढीपर्यंत पोहोचतील अशी अपेक्षा राज्यपालांनी यावेळी व्यक्त केली. ज्येष्ठ नागरिक संघाच्या समाजोपयोगी उपक्रमांचे राज्यपालांनी यावेळी कौतुक केले. 

            संस्थेचे प्रतिनिधी गणेश आंबर्डेकर यांनी संस्थेतर्फे केल्या जात असलेल्या विविध सेवाकार्यांची तसेच आठव उपक्रमांची राज्यपालांना यावेळी माहिती दिली.

            यावेळी संस्थेचे अध्यक्ष सुनील बांदेकर, सुरेंद्र देवस्थळी, सुलोचना बापट, उर्मिला परांजपे, सचिव राजीव पाठारे तसेच इतर सदस्य उपस्थित होते. राज्यपालांसोबत झालेल्या भेटीनंतर उपस्थितांनी राजभवनात ऐतिहासिक वारसा लाभलेल्या वास्तू, देवी मंदिर तसेच भुयाराला भेट दिली. 

००००

A group of senior citizens from the organisation 'Visava' meets Governor

            Mumbai, 13th May : A group of senior citizens from the organisation 'Visava' had an informal interaction with Maharashtra Governor Bhagat Singh Koshyari at Raj Bhavan Mumbai. The Governor complimented the senior citizens for their good work for the society. After the interaction, members of the organisation had a guided tour of the heritage precinct of Raj Bhavan.

            Office bearers Sunil Bandekar, Surendra Devasthali, Sulochana Bapat, Urmila Paranjpe, Rajiv Pathare, Ganesh Ambardekar and others were present.

0000

वृत्त क्र. 1470

राज्यपालांच्या हस्ते 'प्रौद्योगिकी बैंकिंग और हिंदी' पुस्तकाचे प्रकाशन

            मुंबई, दि. 13 : राज्यपाल भगतसिंह कोश्यारी यांच्या हस्ते आज लेखक व बँकर डॉ रमेश यादव लिखित 'प्रौद्योगिकी बैंकिंग और हिंदी' या पुस्तकाचे राजभवन येथे प्रकाशन करण्यात आले. 

            यावेळी मुंबई विद्यापीठाच्या हिंदी विभागाचे प्रमुख डॉ करुणाशंकर उपाध्याय, अद्विक प्रकाशनचे अशोक गुप्ता, हास्यकवी सुभाष काबरा, राजीव निगम, नरेंद्र सोळंकी व इतर मान्यवर उपस्थित होते.

Governor releases the book on Banking Technology and Hindi

      Maharashtra Governor Bhagat Singh Koshyari released the book 'Banking Technology and Hindi' authored by writer and banker Dr Ramesh Yadav at Raj Bhavan, Mumbai.

      Academician and writer Dr Karuna Shankar Upadhyaya, publisher Ashok Gupta, Subhash Kabra, Rajiv Nigam, Narendra Solanki and others were present.

००००