जीवन गाणे

 

जीवनावश्यक मासे खा मासे

 

शास्त्रीय संगीत क्षेत्रातील नोंदणीकृत संस्थांनी सहाय्यक अनुदाना

 शास्त्रीय संगीत क्षेत्रातील नोंदणीकृत संस्थांनी

सहाय्यक अनुदानासाठी २७ फेब्रुवारीपर्यंत अर्ज करावेत

            मुंबई, दि. 21 : भारतरत्न पंडित भीमसेन जोशी शास्त्रीय संगीत योजनेअंतर्गत शास्त्रीय संगीत क्षेत्रातीलo नोंदणीकृत संस्थांना सहाय्यक अनुदानासाठी २७ फेब्रुवारीपर्यंत अर्ज करण्याचे आवाहन सांस्कृतिक कार्य संचालनालयाने केले आहे.

            शास्त्रीय संगीत क्षेत्रात कार्य करणाऱ्या नोंदणीकृत संस्थांना सन 2022-23 या आर्थिक वर्षासाठी सहाय्यक अनुदान देण्यासाठी पात्र संस्थांकडून कोकण, नाशिक, पुणे, औरंगाबाद, अमरावती आणि नागपूर या महसूल विभागातून अर्ज मागविण्यात आले आहेत.

            विहित नमुन्यातील अर्ज आणि नियम www.mahasanskruti.org या संकेतस्थळावर नवीन संदेश या शीर्षकाखाली उपलब्ध आहे. संस्थांनी अर्ज सांस्कृतिक कार्य संचालनालय, जुने सचिवालय, विस्तार भवन, महात्मा गांधी मार्ग, मुंबई- 400032 या पत्त्यावर पाठवावेत. अर्ज स्वीकारण्याची अंतिम तारीख 27 फेब्रुवारी 2023 असून त्यानंतर आलेल्या अर्जाचा विचार होणार नसल्याचे सांस्कृतिक कार्य संचालनालयाने कळविले आहे.

0000

पणन विभागातर्फे २२ पासूनमुंबईत मिलेट महोत्सवाचे आयोजन

 पणन विभागातर्फे २२ पासूनमुंबईत मिलेट महोत्सवाचे आयोजन.

            मुंबई, दि. २१ : संयुक्त राष्ट्र संघाने सन २०२३ हे वर्ष "आंतरराष्ट्रीय पौष्टिक तृणधान्य वर्ष" म्हणून घोषित केले आहे. या आंतरराष्ट्रीय पौष्टिक तृणधान्य वर्षाचाच एक भाग म्हणून पणन विभागामार्फत दि. २२ ते २४ फेब्रुवारी २०२३ या कालावधीत यशवंतराव चव्हाण सेंटर, नरिमन पॉईंट, मुंबई येथे "मिलेट महोत्सव" आयोजित करण्यात आला आहे.

            या महोत्सवाचे उद्घाटन मुख्यमंत्री एकनाथ शिंदे, उपमुख्यमंत्री देवेंद्र फडणवीस यांच्या हस्ते दि. २२ फेब्रुवारी, २०२३ रोजी सकाळी १०.०० वाजता होणार आहे. तसेच प्रमुख पाहुण्यांचे हस्ते मिलेटविषयी सर्वंकष माहिती असणारे 'पुस्तक' देखील प्रकाशित करण्यात येणार आहे. उद्घाटनानंतर आहारतज्ज्ञ ऋजुता दिवेकर यांचे ‘मिलेट’ या विषयावर मार्गदर्शन करणार आहेत.

            पणन विभागातर्फे मिलेट विपणन व मूल्य साखळीचा कृती आराखडा तयार करण्यात आला आहे. मिलेट धान्याचे आरोग्यविषयी फायद्याबाबत प्रचार, प्रसिध्दी व जाणीव निर्माण करणे, आहार साखळीमध्ये मिलेटचे हरविलेले स्थान परत मिळविणे व खप वाढविण्याकरीता नवीन ग्राहक वर्ग तयार करणे, उत्पादन ते ग्राहकांपर्यंत संघटित मूल्यसाखळी तयार करून उत्पादकांना अधिक मूल्य व ग्राहकांना माफक दरात मिलेट उपलब्ध करणे हे मिलेट विपणन व मूल्यसाखळी मिशनचे उद्दिष्टे आहेत.

तीन दिवसीय महोत्सवाची रूपरेषा

दि. २२ फेब्रुवारी, २०२३ रोजी मिलेट विपणन आणि मूल्यसाखळी एक दिवसीय परिषद होईल.

दि.२३ फेब्रुवारी, २०२३, रोजी मिलेट खरेदीदार-विक्रेता संमेलन व खरेदी करारावर स्वाक्षरी होईल.

दि. २२ ते २४ फेब्रुवारी, २०२३ या कालावधीत मिलेट व मिलेट पदार्थ राज्यस्तरीय प्रदर्शन व विक्री होईल.

             महाराष्ट्रात मिलेट मिशन मोठ्या प्रमाणावर राबविण्यात येत आहे. मिलेट धान्य, पीठ व विविध मूल्यवर्धित मिलेटचे खाद्य उत्पादनांना बाजारपेठ उपलब्ध करून देणे अत्यंत महत्त्वाचे आहे. याकरीता मिलेट उत्पादक, शेतकरी उत्पादक कंपन्या, प्रक्रिया करणाऱ्या संस्था व उद्योजक तसेच पणनमध्ये असलेल्या विविध सहकारी संस्थांच्या मूल्यसाखळी निर्माण करणे तेवढेच महत्वाचे आहे. मिलेट खरेदीदार-विक्रेता संमेलन व खरेदी करारामुळे तसेच राज्यस्तरीय तीन दिवसीय प्रर्दशनामार्फत मिलेट विक्रीमुळे सर्वसाधारण लोकांना माफक दरामध्ये उपलब्ध होण्यास मदत होईल.

            या मिलेट महोत्सवाला राज्यातील मिलेटविषयी उत्सुक जनतेने तसेच मिलेट उत्पादक शेतकरी, मूल्य साखळीतील घटक, शेतकरी उत्पादक कंपन्या, व्यापारी यांनी भेट द्यावी, असे आवाहन पणन विभागाद्वारे करण्यात आले आहे. मिलेट महोत्सव सकाळी १० ते सायंकाळी ६ या वेळेत सर्वांसाठी खुले असेल.

मॅनहटन कम्युनिटी कॉलेज समवेत करारकौशल्य

 मॅनहटन कम्युनिटी कॉलेज समवेत करारकौशल्य विकासाबरोबरच विद्यार्थ्यांच्याज्ञानाच्या कक्षा विस्तारण्यास होईल मदत  

- शालेय शिक्षण मंत्री दीपक केसरकर.

            मुंबई, दि. 21 :- मॅनहटन कम्युनिटी कॉलेज बरो सोबतच्या करारामुळे राज्यातील विद्यार्थ्यांना जागतिक दर्जाचे शिक्षण कमी खर्चात उपलब्ध होणार असून कौशल्य विकासाबरोबरच विद्यार्थ्यांच्या ज्ञानाच्या कक्षा विस्तारण्यास आणि रोजगार उपलब्ध होण्यास देखील निश्चितच मदत होईल, असा विश्वास शालेय शिक्षण मंत्री दीपक केसरकर यांनी व्यक्त केला.

            शालेय शिक्षण विभाग विद्यार्थ्यांच्या सर्वांगीण विकासासाठी विविध उपक्रम राबवीत आहे. याअंतर्गत जागतिक दर्जाच्या नामांकित शिक्षण संस्थांसोबत करार करण्यात येत आहेत. याचाच एक भाग म्हणून महाराष्ट्र आणि न्यूयॉर्क येथील सिटी युनिव्हर्सिटी ऑफ न्यूयॉर्क मॅनहटन कम्युनिटी कॉलेज बरो यांच्यादरम्यान परस्पर शैक्षणिक सहकार्य विकसित करण्यासाठी शालेय शिक्षण मंत्री श्री. केसरकर यांच्या उपस्थितीत मंगळवारी सामंजस्य करार करण्यात आला.

            या करारानुसार पात्र विद्यार्थ्यांना बरो ऑफ मॅनहटन कम्युनिटी कॉलेज ऑफ द सिटी युनिव्हर्सिटी ऑफ न्यूयॉर्क (बीएमसीसी) मध्ये केवळ 20 टक्के शुल्कात उच्च दर्जाचे शिक्षण घेण्याची संधी मिळणार आहे. महाराष्ट्रातील शैक्षणिक संस्थांना आणि विद्यार्थ्यांना विदेशात शिक्षण व प्रशिक्षणास प्रोत्साहन दिले जाणार आहे. त्याचबरोबर संशोधन, अध्यापन, अभ्यासक्रम आदी क्षेत्रात परस्पर सहकार्य वाढविले जाणार आहे.

            शालेय शिक्षण विभाग आणि मॅनहटन कम्युनिटी कॉलेज बरो यांच्यादरम्यान झालेल्या या करारावर शालेय शिक्षण विभागाचे प्रधान सचिव रणजित सिंह देओल यांनी, तर मॅनहटन कम्युनिटी कॉलेज बरोच्या वतीने शिक्षण विभागाचे अध्यक्ष अँथनी मुनरो यांनी स्वाक्षरी केली. मंत्री श्री. केसरकर यांच्या शासकीय निवासस्थानी झालेल्या या कराराप्रसंगी मॅनहटन कम्युनिटी कॉलेज बरोचे उपाध्यक्ष संजय रामदत, शिक्षण परिषदेचे राज्य प्रकल्प संचालक डॉ.कैलास पगारे, राजभवन येथील उपसचिव प्राची जांभेकर आदी उपस्थित होते.

00000

मेरा भारत महान

 

Be alert

 सल्ला: अपग्रेड केलेल्या सेवांचा आनंद घेण्यासाठी तुम्हाला तुमच्या Jio नंबरचे सिम कार्ड बदलण्यास सांगणाऱ्या फसव्या संदेशांपासून सावध रहा. ईमेल किंवा एसएमएसद्वारे मिळालेल्या संशयास्पद लिंकवर क्लिक करू नका. ओटीपी आणि इतर आर्थिक माहिती यांसारखी गोपनीय माहिती चोरण्यासाठी फसवणूक करणारे तुमचे डिव्हाइस मिरर करू शकतात.