शुभ दिवस

 

जनता त्रस्त डी जे मस्त, वाजवा

: विसर्जन आणि हतबल महिला पोलीस 

********************

पुण्यातील टिळक रोड वर माझे ऑफिस. तिथे कालपासून विसर्जन मिरवणूक सुरु आहे ! 

काल पासून मी ऑफिसात अडकून आहे. टिळक रोड क्रॉस करता येत नसतो २ दिवस ! आणि डीजे डॉल्बी इतके जोरात कि कानात हेडफोन लावून काम करत बसलोय! तरी आवाज सहन होत नाहीये !! अगदी खिडकीच्या काचा सुद्धा थरथर करत आहेत⁠⁠⁠⁠!

सकाळी थोडावेळ खाली फुटपाथवर जाऊन मिरवणूक तरी पाहावी म्हणून गेलेलो.  तर एका पोलिसाने कळवळून विचारले कि "इथे जवळ कुठे बाथरूम आहे का हो ? आमच्या लेडी हवालदार ला गरज आहे !"

***

मला शरम वाटली आपल्या शासन व्यवस्थेची !! 

मी  त्यां पोलिसांना आमच्या गेटचे कुलूप उघडून ऑफिसात आणले ! सहा सात लेडी होत्या ! त्यांना ऑफिसची वॉशरूम उघडून दिली !! नंतर त्यांना विनंती करून "बसा पाच मिनिट" असे सांगून त्यांना बसवले, आणि ऑफिसात असलेले पार्लेची  बिस्कीट दिली. पाणी दिले. 

****

त्यावेळी एक लेडी हवालदार म्हणाली, "खाणे पिणे जाऊ द्या, पण रस्त्याच्या कडेला टेम्पररी वॉशरूम सुद्धा उभ्या केल्या नाहीत कुणी ! आणि म्हणे आम्ही यांचे रक्षण करायचे ! कसे करायचे सांगा ना ?"

डोळ्यात माझ्याच पाणी आले, त्यांचे हाल पाहून ! आणि निरुत्तर झालो ! काय उत्तर देणार त्या महिलांना ?

***

डीडी नोट : मला कुणावर टीका करायची नाहीये ! पण लाखो करोडो रुपयाची उधळण डीजे डॉल्बी वर करू शकणारी मंडळी साधी मोबाईल टॉयलेट व्हॅन नाही समाजासाठी उपलब्ध करून देऊ शकत ? (काही ठिकाणी कुणी अशी सोय केली असेल तर त्याला दंडवत. पण माझ्या पाहण्यात तरी नाही आले कधी)

***

यंदाचा तर गणेशोत्सव आता संपेल. किमान पुढच्या वर्षी तरी कोणी "जागे" होऊन यावर विचार करील का ?

( विचार पटला असल्यास शेयर करा ! म्हणजे किमान जास्तीत जास्त लोकांपर्यंत हे जाईल ) डीजेच्या आवाजाने आजारी व्यक्ती, लहान मुलं,गरोदर स्ञीया किंवा परीक्षार्थींचे काय होत असेल? 😨😨

शत्रू नाशाय:

 *श्री बगलामुखीदेवी मंदिर.*संकलन - सुधीर लिमये पेण 

दशमहाविद्यांमध्ये श्री बगलामुखी ही एक महाविद्या आहे. श्री बगलामुखीदेवीचे मंदिर कांगडा (हिमाचल प्रदेश) जिल्ह्यातील बनखंडी गावामध्ये आहे. पांडुलिपीमध्ये देवीचे जसे वर्णन आहे, त्याच स्वरूपात देवी येथे विराजमान आहे.

देवीचे हे मंदिर महाभारत काळातील आहे. द्वापरयुगामध्ये पांडवांनी अज्ञातवासात असतांना एका रात्रीत हे मंदिर बांधले आणि पूजाअर्चा केली. या मंदिरात प्रथम अर्जुन आणि भीम यांनी युद्धकलेत यशप्राप्ती होण्यासाठी देवीची उपासना केली होती.

शत्रूनाशिनी देवी बगलामुखी. मंदिरामध्ये विविध प्रकारच्या त्रासांच्या निवारणासाठी शत्रूनाश हवन करवून घेतले जाते. देवीच्या मंदिरामध्ये हवन केल्यानेे मनोवांच्छित फलप्राप्ती होते.

१. श्री बगलामुखीदेवीची उत्पत्ती.

एकदा दानवाने ब्रह्मदेवाचा ग्रंथ चोरून पाताळात लपवून ठेवला. ‘त्याला पाण्यामध्ये मनुष्य किंवा देवता मारू शकणार नाही’, असे वरदान होते. अशा वेळी ब्रह्मदेवाने देवी भगवतीची उपासना केली. यातून श्री बगलामुखीदेवी अवतरली. देवीने बगळ्याचे रूप धारण करून त्या दानवाचा वध केला आणि ब्रह्मदेवाला त्यांचा ग्रंथ परत केला.

सत्ययुगात एकदा सृष्टीत भयंकर वादळ आले. या वादळाला शांत करण्यासाठी भगवान श्रीविष्णूने तपश्‍चर्या करून श्री बगलामुखी देवीला प्रसन्न करून घेतले होते. लंकेवर विजय मिळवण्यासाठी श्रीरामाने शत्रूनाशिनी श्री बगलामुखीदेवीचे पूजन केले आणि त्याला विजय प्राप्त झाला.’

२. सत्वर प्रसन्न होऊन भक्तांची संकटे दूर करणारी श्री बगलामुखीदेवी आणि तिची उपासना यांची वैशिष्ट्ये.

अ. शिव आणि श्री महाकालीदेवी यांच्या खालोखाल ही देवी लवकर प्रसन्न होते, असे म्हणतात. साधना करून लगेच काही प्राप्त करण्यासाठी या देवीचे स्तवन प्रामुख्याने करतात.

आ. बगलामुखी-ब्रह्मास्त्र मंत्रजप अतिशय मारक स्वरूपात म्हणतात. मंत्रजप करतांना म्हणणार्‍याची झोप उडेलच; पण ऐकणार्‍यालाही विलक्षण शक्तीत वावरत असल्याची जाणीव होते. विशेषतः या चैतन्यात त्याचीही झोप उडालेली असते.’ डॉ. अजय जोशी, सनातन आश्रम, रामनाथी, गोवा.

इ. बगलामुखी- ब्रह्मास्त्र मंत्रजपाने शत्रूचा संहार होतो.

ई. हा मंत्रजप विन्मुख होत नाही; म्हणजे जे साध्य करण्यासाठी साधना करतात, ते साध्य झाल्याखेरीज रहात नाही; म्हणूनच याला ‘ब्रह्मास्त्र मंत्र’ असे संबोधतात. याचा गैरवापर कुणीही करू नये; म्हणून धर्मशास्त्राने ही देवी अन् तिची साधना यांविषयीची माहिती गुप्त ठेवली आहे.’- श्री. प्रेमप्रकाश सिंह, बीरमित्रापूर, ओडिशा.

उ. ‘श्री बगलामुखीदेवीचा रंग सुवर्णासारखा पिवळा आहे. त्यामुळे देवीला ‘पितांबरी’ असेही म्हणतात. देवीचे वस्त्र, प्रसाद आणि आसन यांपासून प्रत्येक गोष्ट पिवळीच असते. देवीला पिवळा रंग प्रिय आहे; म्हणून देवीच्या पूजनामध्ये पिवळ्या रंगाच्या साहित्याचा उपयोेग होतो. देवीची उपासना करतांना साधकाने पिवळे वस्त्र परिधान केले पाहिजे.

ऊ. श्री बगलामुखीदेवीमध्ये संपूर्ण ब्रह्मांडाच्या शक्तीचा समावेश आहे.

ए. देवीचे अनेक स्वरूप आहेत. या महाविद्यादेवीची उपासना रात्रीच्या वेळी केल्याने विशेष सिद्धी प्राप्त होते.

ऐ. देवीचे भैरव महाकाल आहे. देवी बगलामुखी भक्तांचे भय दूर करून शत्रू आणि अनिष्ट शक्ती यांचा नाश करते.

स्रोत: आंतरजाल, सनातन (हिंदु ) धर्म

एकावर एक फ्री

 सर्वच झाडे ऑक्सिजन देतात

परंतु

मोहाची, काजूची, जांभळाची,

माडाची, ताडाची झाडे त्यातही

स्वतःचं वेगळेपण ठेवतात, ही झाडे

ऑक्सिजन तर देतातच..

सोबत 

इंग्लिश स्पीकिंग कोर्स देखील

करून घेतात...!!!

🤣🤣🤣🤣🤣

आदी वंदू तुज मोरया

 

घरकाम करणारी सासू पाहिजे

 

दोन घडीचा डाव

 ज्याक्षणी या शरीरात अडकणं संपेल

तो क्षणच अनंत - चतुर्दशी !

जेंव्हा अहम् आणि त्वम् एकजीव

होतील तीच अनंत - चतुर्दशी  !

            

पाहुणा आहे इथे प्रत्येकजण 

बाप्पासारखा काही दिवसांचा

कोणी दीड, कोणी पाच

तर कोणी दहा दिवसांचा...

थोडा वेळ आहोत इथे

तर थोड जगुन घेऊया

बाप्पा सारखे थोडे 

लाडु मोदक खाऊन घेऊया...

इथे सर्वच आहेत भक्त आणि 

सगळ्यांमध्ये आहे बाप्पा

 थोडा वेळ घालवू सोबत

आणि मारु थोड्या गप्पा...

मनामनातले भेद मिटतील

मिटतील सारे वाद 

एक होईल माणुस

आणि साधेल सुसंवाद...

जातील निघुन सारेच

कधी ना कधी अनंताच्या प्रवासाला

ना चुकेल हा फेरा

जन्माला आलेल्या कोणाला...

बाप्पा सारखं नाचत यायचे 

आणि लळा लावुन जायचे

दहा  दिवसांचे पाहूणे आपण 

असे समजून जगायचे...

किंमत तुमची असेलही 

तुमच्या प्रियजनांना लाख

आठवणी ठेवतील जवळ 

अन् विसर्जित करतील तुमची राख...

पाहुणा आहे इथे प्रत्येकजण 

दीड दिवस अन् दहा दिवसाचा

हे जगणे म्हणजे एक उत्सव 

हा काळ दोन घडींच्या सहवासाचा.............

            

🌹🌹🌹🙏🏻🙏🏻