राज्यातील सार्वजनिक आरोग्य विभागाचा
आढावा घेऊन आवश्यक निधी दिला जाईल
- सार्वजनिक आरोग्य मंत्री प्रकाश आबिटकर
मुंबई, दि. १७ : राज्यातील सार्वजनिक आरोग्य विभागा अंतर्गत असलेल्या सर्व सार्वजनिक आरोग्य केंद्राच्या आस्थापनेचा आढावा घेऊन आवश्यक मनुष्यबळ निधी उपलब्ध करून दिला जाईल, असे सार्वजनिक आरोग्य मंत्री प्रकाश आबिटकर यांनी विधानसभेत सांगितले.
विधानसभा सदस्य सुनील प्रभू यांनी राज्यातील रुग्णालयात भारतीय सार्वजनिक आरोग्य मानांकानुसार रुग्णांना मूलभूत सुविधा देण्यासंदर्भात विधानसभेत प्रश्न उपस्थित केला होता.
दुर्गम व ग्रामीण भागातून येणाऱ्या रुग्णांना आवश्यक मूलभूत सुविधासह औषधोपचार सेवा उपलब्ध करून देण्यासाठी सर्व आस्थापनाचा आढावा घेऊन आवश्यक निधी उपलब्ध करून दिल्या जाईल तसेच रिक्त पदांचाआढावा घेऊन ही पदभरती प्रक्रिया लवकर करून आवश्यक मनुष्यबळ उपलब्ध करून दिले जाईल. तसेच मुंबईतील शासकीय रुग्णालयाला भेट देऊन पाहणी केली जाईल, असे मंत्री श्री. आबिटकर यांनी सभागृहात सांगितले.
विधानसभा सदस्य योगेश सागर, नाना पटोले, गोपीचंद पडळकर यांनी उपप्रश्न उपस्थित केले होते.
0000
No comments:
Post a Comment