शालेय शिक्षण विभागामार्फत १४ मिनिटांचा मार्गदर्शक व्हिडीओ राज्यातील सर्व शाळांना उपलब्ध

 मुख्यमंत्री देवेंद्र फडणवीस, उपमुख्यमंत्री एकनाथ शिंदे, उपमुख्यमंत्री अजित पवार यांच्या संकल्पनेतून शालेय शिक्षण मंत्री दादाजी भुसे यांच्या मार्गदर्शनाखाली मागील काही महिन्यांपासून विद्यार्थ्यांचा कवायत संचलनाचा सराव सुरू होता. यासाठी शालेय शिक्षण विभागामार्फत १४ मिनिटांचा मार्गदर्शक व्हिडीओ राज्यातील सर्व शाळांना उपलब्ध करून देण्यात आला होता.  सर्व विद्यार्थ्यांनी एकाच वेळी सुंदर व शिस्तबद्ध कवायत सादर केली. यासोबतच छत्रपती संभाजीनगर जिल्ह्यात जिल्हास्तरावर राबविण्यात आलेल्या उपक्रमाच्या अनुषंगाने एशिया बूक ऑफ रेकॉर्डस् (Asia Book of Records) आणि इंडिया बूक ऑफ रेकॉर्डस् (India Book of Records) या दोन मान्यवर संस्थांकडूनही स्वतंत्र विश्वविक्रमांची नोंद करण्यात आली आहे.