वाळूज ते कमळापूर रस्ता दुरुस्तीचे काम मे 2024 पर्यंत पूर्ण करणार
- सार्वजनिक बांधकाम मंत्री रवींद्र चव्हाण
मुंबई दि. 25 : वाळूज ते कमळापूर (ता. गंगापूर, जि. औरंगाबाद) येथील रस्त्याच्या दुरूस्तीचे प्रलंबित काम मे 2024 पर्यंत पूर्ण करण्यात येणार असल्याची माहिती सार्वजनिक बांधकाम मंत्री (सार्वजनिक उपक्रम वगळून) रवींद्र चव्हाण यांनी विधानपरिषदेत दिली.
वाळूज ते कमळापूर येथील रस्ता दुरुस्तीच्या कामासंदर्भात सदस्य सतीश चव्हाण यांनी विचारलेल्या प्रश्नाला उत्तर देताना ते बोलत होते.
मंत्री श्री. चव्हाण म्हणाले की, वाळूज ते कमळापूर या 4 कि.मी. लांबीपैकी 3 कि.मी. लांबीतील रस्ता दुरुस्ती करण्याचे काम प्रगतीत आहे. या कामाला निधीही मंजूर आहे. या रस्त्यावर 1 कि.मी. लांबीत सिमेंट काँक्रिट रस्त्याचे व बांधीव गटाराचे मंजूर काम सद्यस्थितीत प्रगतीत असून या रस्त्याचे सर्व काम मे 2024 पर्यंत पूर्ण करण्याचे नियोजन आहे. तसेच रस्त्यावरील खड्डे भरण्यात आले असून रस्ता वाहतुकीस सुस्थितीत असल्याचे मंत्री श्री. चव्हाण यांनी यावेळी सांगितले.
या चर्चेत विरोधी पक्ष नेते अंबादास दानवे यांच्यासह सदस्य सर्वश्री विक्रम काळे, गोपीचंद पडळकर, जयंत पाटील, महादेव जानकर आदींनी सहभाग घेतला.
0000
No comments:
Post a Comment