नवनिर्वाचित सदस्य ऋतुजा लटके यांचा विधानसभेत परिचय
नागपूर, दि. १९ : मुंबई उपनगर जिल्ह्यातील अंधेरी पूर्व विधानसभा मतदारसंघातून निवडून आलेल्या नवनिर्वाचित सदस्य ऋतुजा लटके यांचा परिचय मुख्यमंत्री एकनाथ शिंदे यांनी विधानसभेला करून दिला.
नुकत्याच झालेल्या विधानसभा पोटनिवडणुकीत मुंबई उपनगर जिल्ह्यातील अंधेरी पूर्व भागातून त्या निवडून आल्या आहेत.
००००
विधानसभा तालिका अध्यक्षांच्या नावांची घोषणा
नागपूर, दि. १९ : विधिमंडळाच्या हिवाळी अधिवेशनाच्या कामकाजासाठी विधानसभा अध्यक्ष ॲड. राहुल नार्वेकर यांनी विधानसभाध्यक्षांची तालिका नामनिर्देशित केली.
सदस्य सर्वश्री संजय शिरसाट, समीर कुणावत, सुभाष धोटे, सुनिल भुसारा यांचा यात समावेश आहे.
०००
विधानपरिषद तालिका सभापतींच्या नावांची घोषणा
नागपूर, दि. 19 : विधिमंडळाच्या हिवाळी अधिवेशनासाठी उपसभापती डॉ.नीलम गोऱ्हे यांनी विधानपरिषदेच्या तालिका सभापतीपदी सदस्य सर्वश्री निरंजन डावखरे, नरेंद्र दराडे, अनिकेत तटकरे, अभिजीत वंजारी यांच्या नावांची घोषणा केली.
००००
No comments:
Post a Comment