अटल जैव विविधता आणि वनस्पती उद्यान

 अटल जैव विविधता आणि वनस्पती उद्यानाचे काम गतीने पूर्ण करावे

- सुधीर मुनगंटीवार

 

            मुंबई, दि. 11  : विसापूर येथे उभारण्यात येत असलेल्या अटल जैवविविधता व वनस्पती उद्यानाचे लोकार्पण ठरलेल्या वेळीच करण्याचे निर्देश आज वनमंत्री सुधीर मुनगंटीवार यांनी संबंधित अधिकाऱ्यांना दिले. मंत्रालयात यासंदर्भात वरिष्ठ अधिकाऱ्यांच्या उपस्थितीत झालेल्या आढावा बैठकीत ते बोलत होते.

            विसापूर येथे होणाऱ्या या जैवविविधता वनस्पती उद्यानात ज्या नवीन कल्पना राबविण्यात येत आहेत. वन विभागाच्या वतीने या विषयाची माहिती मंत्री श्री. मुनगंटीवार यांना देण्यात आली. त्याचप्रमाणे निर्मिती कामांची सद्यस्थिती आणि कालमर्यादा याविषयी सविस्तर चर्चा करण्यात आली.

            या बैठकीस विभागाचे प्रधान सचिव वेणूगोपाल रेड्डी, प्रधान मुख्य वन संरक्षक वाय एल पी राव यांच्यासह संबंधित विभागाचे वरिष्ठ अधिकारी उपस्थित होते.

००००