अनाथांसाठी लागू केलेल्या १% समांतर आरक्षणाची राज्यात कोटकोरपणे अंमलबजावणी

अनाथांसाठी लागू केलेल्या १% समांतर आरक्षणाची राज्यात कोटकोरपणे अंमलबजावणी करणेबाबत.

महाराष्ट्र शासन

सामान्य प्रशासन विभाग

शासन निर्णय क्रमांक : संकीर्ण १११८/प्र.क्र.४६२/१६-अ

मादाम कामा मार्ग, हुतात्मा राजगुरू चौक,

मंत्रालय, मुंबई - ४०० ०३२

दिनांक ०५ डिसेंबर, २०१८

वाचा :-  १- शासन निर्णय, महिला व बालविकास विभाग, क्र. अमुजा-२०११/प्र.क्र.२१२/का-३,

दि. २ एप्रिल, २०१८

प्रस्तावना :-

      महिला व बालविकास विभाग, शासन निर्णय दि. २ एप्रिल, २०१८ अन्वये अनाथ मलांना राज्य शासनाच्या विविध सवलतींचा लाभ घेता यावा याकरिता शिक्षण व नोकरी यामध्ये खुल्या प्रवर्गातून १: समांतर आरक्षण लागू करण्यात आले आहे. सदर आरक्षण हे गट “अ” ते गट “ड”च्या पदांसाठी सरळसेवा भरतीसाठी लागू करण्यात आले आहे. अनाथ मुलांना विहित केलेल्या १: आरक्षणाप्रमाणे पदभरती होणे आवश्यक आहे.

शासन परिपत्रक :-

      राज्य शासकीय सेवेतील गट - अ ते गट - ड ची सरळसेवेची पदे भरताना सर्व नियुक्ती प्राधिका-यांनी अनाथांसाठी असेलेल्या १: आरक्षणाची काटेकोरपणे अंमलबजावणी करावी. विहित केलेल्या आरक्षणाच्या प्रमाणानुसार केवळ खुल्या प्रवर्गातच पदांची गणना करून त्यानुसार नियुक्ती प्राधिका-यांनी पदभरती करावी. सर्व प्रशासकीय विभागांनी आणि त्यांच्या अधिनस्त कार्यालयांनी रिक्त पदे भरताना जाहिरातीमध्ये अनाथासांठी १ टक्का आरक्षण नमूद करण्याची दक्षता घ्यावी. महिला व बालविकास विभागाच्या दि. २ एप्रिल २०१८ च्या शासन निर्णयातील अटी व शर्तींना अनुसरून अनाथांना आरक्षण देण्यात यावे.

या परिपत्रकातील सूचना शासकीय / निमशासकीय सेवा, शासनाचे उपक्रम, महामंडळे, मंडळे, शासन अनुदानित संस्था व ज्यांना मार्गदर्शक सूचना देण्याचे अधिकार शासनाला आहेत अशा सर्व संस्था व सेवा यामधील नियुक्त्‌यांसाठी लागू राहतील. सदर सूचना प्रशासकीय विभागांनी त्यांच्या अधिपत्याखालील सर्व विभाग प्रमुखांच्या निदर्शनास आणाव्यात.

सदर शासन परिपत्रक महाराष्ट्र शासनाच्या www.maharashatra.gov.in या संकेतस्थळावर उपलब्ध करण्यात आला असून त्याचा संकेतांक क्रमांक २०१८१२०४१४३९३६६५०७ असा आहे. हा आदेश डिजीटल स्वाक्षरीने साक्षांकित करून काढण्यात येत आहे.

महाराष्ट्राचे राज्यपाल यांच्या आदेशानुसार व नावाने

                                                     (टि. वा. करपते)

उपसचिव, महाराष्ट्र शासन