Friday, 28 June 2024

भक्तीप्रभात

 🪷……भक्तीप्रभात……

🌹


*स्वप्न…!

रात्रंदिवसा देवा तुमची

मूर्ती ध्यानात.

त्याचा लागे ना अंत…

*स्वप्नात आले माझ्या गुरुदेव दत्त!*



दिव्यस्वरूपी सडा 

टाकत होते अंगणात.

_‘अल्लख’_ म्हणुनि भिक्षा मागत

आले दारात…

दत्त गुरूंचे पाऊल उठले 

माझ्या अंगणात.

त्याचा लागे ना अंत…

*स्वप्नात आले माझ्या गुरुदेव दत्त!*



भगवी झोळी होती 

त्यांच्या डाव्या बगलेत.

रुद्राक्षांच्या माळा होत्या 

त्यांच्या गळ्यात…

कुण्या वाटेने गेले

माझे गुरूदेव दत्त?

त्याचा लागे ना अंत…

*स्वप्नात आले माझ्या गुरुदेव दत्त!*



श्वानांची फौज होती 

त्यांच्या संगत.

श्वानांना भाकर टाकत 

होते भगवंत…

बघा बघा ते अत्रीनंदन 

आले भजनात.

त्याचा लागे ना अंत…

*स्वप्नात आले माझ्या गुरुदेव दत्त!*



भक्तांचा मेळा होता 

त्यांच्या संगत.

खडावांचा नाद घुमतो 

माझ्या कानात…

*‘गुरुदेव दत्त’* मंत्र ठेवा 

ठेवा ध्यानात.

त्याचा लागे ना अंत…

*स्वप्नात आले माझ्या गुरुदेव दत्त!*


𖦺𖦺𖦺𖦺


*सुप्रभात!*


𖦺𖦺𖦺𖦺


स्वर : शुभांगी जोशी


संगीत : महेश हिरेमठ



_(भक्तीगीत : दर गुरुवारी)_


𖦺𖦺𖦺𖦺🌹𖦺𖦺𖦺𖦺

No comments:

Post a Comment

Featured post

Lakshvedhi