संस्कृत भारतीच्या सुभाषित पाठांतर स्पर्धेचे पारितोषिक वितरण.

§ सुभाषित अभियान अंतर्गत उपक्रम

            पनवेल दि ११ः संस्कृत भारती कोकण प्रांताच्या वतीने आयोजित करण्यात आलेल्या सुभाषित अभियान अंतर्गत सुभाषित पाठांतर स्पर्धेचे पारितोषिक वितरण नुकतेच झाले. कृष्णभारती हॉल येथे या स्पर्धा व पारितोषिक वितरण कार्यक्रम झाला.

            संस्कृत भारती कोंकण प्रांताच्या वतीने सुभाषित अभियान घेण्यात आले. 5 सप्टेंबर 2021 पासून 13 डिसेंबर 2021 पर्यंत रोज एक याप्रमाणे 100 सुभाषिते व्हाॅटसॅप ग्रुपव्दारे पाठवण्यात आली. इयत्ता 5 वी ते 10 वीचे विद्यार्थी या अभियान अंतर्गत पाठांतर स्पर्धेत सहभागी झाले होते.

           हे अभियान संपूर्ण कोकण प्रांतात सुरु आहे. अभियान स्पर्धेचा एक महत्त्वाचा टप्पा जिल्हास्तरीय स्पर्धा होत्या. स्पर्धा 5 वी ते 10 वी असे सहा गट व 100 सुभाषिते पाठ असणाऱ्या विद्यार्थ्यांचा विशेष गट अशा एकूण सात गटात झाली. या स्पर्धेसाठी रायगड जिल्ह्यातील पेण, अलिबाग, कर्जत, खोपोली, गोरेगाव येथून विद्यार्थी आले होते.

            स्पर्धेसाठी पनवेल येथील श्री.चारुदत्त जोशी आणि श्रीमती सुनंदा लखपती, यांनी परीक्षक म्हणून काम पाहिले. श्रीमती सुनंदा लखपती मार्गदर्शन करताना म्हणाल्या, स्पर्धा संपली म्हणून सुभाषितांचा अभ्यास थांबवू नका. सुभाषितांमधील मार्गदर्शन आयुष्याच्या प्रत्येक टप्प्यावर उपयोगी ठरते त्यामुळे अधिकाधिक सुभाषिते पाठ करा आणि सतत सुभाषितांच्या सहवासात रहा.

            स्पर्धेत एकूण 34 विद्यार्थी सहभागी झाले होते. प्रत्येक गटातून तीन क्रमांक काढण्यात आले. आणि 100 सुभाषिते पाठ असणा-या विद्यार्थ्यांना विशेष पारितोषिक देण्यात आले.

गट क्र. १

१. प्रथमः क्रमांक :- ईशा महावीर जाधव

२. द्वितीयः क्रमांक:- आशिष जयन नायर 

३. तृतीयः क्रमांक: - साईज्ञा सतीश खिलारी                  

गट क्र. २

१. प्रथमः क्रमांक: - अक्षरा साहू

२. द्वितीयः क्रमांक: - किमया शशिकांत गायकवाड

३. तृतीयः क्रमांक:- हिमांशु पराग घरत

गट क्र. ३

तृतीयः क्रमांक: - निवेदिता गणेश मुसळे

गट क्र. ४

१.प्रथमः क्रमांक: - पूर्वा अमित पाटील 

२. द्वितीयः क्रमांक: - वेदश्रुति विद्येश मराठे

३. तृतीयः क्रमांकः नेहल सचिन गांधी

गट क्र. ५

१. प्रथमः क्रमांक: - श्रुती चंद्रकांत पाटील 

२. द्वितीयः क्रमांक- भक्ती संजय कांबळे

३. तृतीयः क्रमांक - तन्वी ब्रह्मदेव मिसाळ

गट क्र. ६

१. प्रथमः क्रमांक: - सोनल रवींद्र पतंगे

२.द्वितीयः क्रमांक :- ज्ञानेश्वरी बापू कामठे

३. तृतीयः क्रमांक :- आयुष जयंत ठाकुर

विशेष गट १०० सुभाषित

१. अ+श्रेणी - भक्ती संजय कांबळे

२. अ श्रेणी - आशिष जयन नायर

३. ब श्रेणी - क्रितिका तिवारी

४. ब श्रेणी - तन्वी बह्मदेव मिसाळ

            या सुभाषित अभियानाचे आणि स्पर्धेचे संपूर्ण नियोजन आणि पारितोषिक वितरणाच्या कार्यक्रमाचे सत्र संचालन संस्कृत भारती जिल्हा संयोजक श्री. विक्रांत जोशी यांनी केले.

            कार्यक्रमाची सुरुवात सौ. प्रतिमा जोगळेकर यांच्या ध्येयमंत्राने झाली. परीक्षकांचा परिचय सौ. तृप्ती गोरे यांनी करुन दिला तर प्रास्ताविक सौ. अनया करंदीकर यांनी केले. आभार प्रदर्शन सौ. स्नेहला पाडळकर यांनी केले. कार्यक्रमाची सांगता शान्तिमंत्राने झाली.

0000