चमचा

चमचा

चमचा स्वयंपाकघरातील एक महत्वाचे उपकरण. जन्मापासून ते अखेरपर्यंत साथ संगत देणार साधन. आई हाताने भरविण्यापेक्षा कष्ट साध्य काम चमच्याने करते अतिशय सोईस्कर व तिथपासून ते म्हातारपणापर्यंत लटपटत्या हाताने खाण्याचे पदार्थ खाली पडण्यापासून वाचविण्याचे काम करणारा हा चमचा.

हा चमचा  दोन दुव्यांना जोडून एकत्र आणणारा पुलच.

बालवाडी ते महाविदयालय उदाहरण घ्यायचे म्हटले तर हात धुवण्याचा त्रास घेण्यापेक्षा दुपारच्या टिफीन मध्ये चमचा घेऊन मित्रमंडळींना खाऊ घालून तृप्त करण्याचे माध्यम.

नोकरी म्हणा व्यवसायातही चमचा हाच माध्यम. चमच्याशिवाय कोणीही पुढे जाऊ शकतच नाही. सुयश मिळवायचे असेल तर बॉसकडे तारीफ करण्यासाठी चमचा असेल तर शंभर टक्के तुमच्या व्यवसाय नोकरी यशस्वी करतो. हसण्याचा विषयाबरोबरच उपहासाचा विषय ही हा “चमचा, काँटा बन पर किसीका चमचा मत बन” “चमचा है ये” अशी पालुपदे, दुषणे जरी चमच्याला मिळत असली तरी तो कोणाच्यातरी कसल्यातरी कामाला येतो ना. ज्याच्या कामाला येतो त्याचा आनंद गगनात मावेनासा होता व ज्यांनी चमच्याचा वापर केला नाही त्याला सापशिडीसारखा शिडी न मिळाल्याने साप खाऊन टाकतो अशी मरणावस्था होते ती ही चमच्यामुळे.

हया चमच्यामुळे नोकरी व्यवसाय उत्तम रितीने चालत असल्यामुळे एखादी मैत्रीण किंवा मित्र पटवावयाचा असेल तरी सुध्दा लागतो तो चमचाच. त्याशिवाय तरुणाईचे पान हालतच नाही. चिठया चपाटया, दोन जिवांना एकत्र आणण्याचे कामही करतो तोही हा चमचा.

राजकारणातही एखादे साधे व्यक्तीमत्वाला आकार आधार देण्याचे काम करतो तो ही चमचाच. पहा राजकारणात मंत्रीपासून सेटींग लावण्यासाठी चमच्यासारखे व्यक्तिमत्व तुमच्या सोबत असेल तरच हिमालय पर्वंत सर करता येतो. येरागबाळयाचे काम नाही हे तेथे पाहिजे चमचा.

घ्या हाती चमचा व मारा एखादा तमाचा, तोसुध्दा चमच्यानेच.

ज्ञानवर्धक बोधकथा

ज्ञानवर्धक बोधकथा

      भगवान महावीरा सोबत एक लहान मुलगा बसलेला असतांना त्यावेळेस तिथून एका चोराला काही शिपाई पकडून नेत होते, त्या मुलाने भगवान महावीरांना विचारले "तो कोण आहे आणि त्याच्या भोवती शिपाई का आहेत?"

      महावीर म्हणाले "तो चोर आहे, त्याला पकडले आहे, त्याला आता शिक्षा होईल व तो तुरुंगात जाईल".

      थोड्या वेळा नंतर त्या नगरीचा राजा येत होता आणि त्याच्या भोवती पण शिपाई होते, त्यावेळेस मुलगा लगेच महावीरांना म्हणाला " तो बघा अजून एक चोर आला",

      महावीर म्हणाले "तो राजा आहे."

                मुलगा महावीरांना म्हणाला " या दोघात काय फरक आहे ? राजा भोवती पण शिपाई आहे आणि चोरा भोवती पण शिपाई होते."

                 महावीर म्हणाले "जमीन आसमानचा फरक आहे, त्या चोराच्या भोवती जे शिपाई होते त्यांच्या ताब्यात तो चोर होता, त्याला काहीही करायचे स्वातंत्र नाही, शिपाई जिकडे नेतील तिकडे जायचं, शिपाई जिथे ठेवतील तिथे राहायचे, देतील ते खायचं, त्याला स्वतःच्या मनाने काहीच करता येत नाही. कारण तो बंदिस्त आहे.....परंतु राजाच्या भोवती जे शिपाई आहेत ते राजाच्या ताब्यात आहेत, राजा सांगेन तिकडे ते राजा बरोबर जातील, राजा जे काही सांगणार ते सर्व ते करणार, जर राजा बोलला कि तुम्ही जा, मला एकटे राहू देत, तर निघूनही जातील, कारण राजा मुक्त आहे."

"आपले मन, आपल्या भावना म्हणजे द्वेष, तिरस्कार, राग, लोभ, मत्सर, अहंकार, असूया, कपट, गर्व हे सर्व विकार आपले शिपाई आहेत, आपण त्यांच्या ताब्यात असलो तर आपण 'चोर' आहोत,

                ते आपल्या ताब्यात असले तर आपण 'राजा' आहोत.   निवड तुमची आहे."           

व्हॉट्स अप तडका

डोक्याला ताप

सर्व बायकांनी नवऱ्यांना कमी ताप द्यावा. कारण बाहेरील तापमानाचा ताप व 

आपला ताप मिळून उष्माघात होण्याची दाट शक्यता आहे. तरी सर्व पुरुष 

बांधवांनी बाहेरील तापासाठी डोक्याला व घरातील तापासाठी

कानाला रुमाल बांधावा.

         

पाणी वाचावा

ऩियतीने अखेर  फास आवळला

दक्षिण अफ्रिका या देशातील मुख्य शहर केपटाऊन हे जगातील पहिलं पाणी विरहित शहर म्हणून जाहीर झालं आहे, त्यांच्या सरकारने 16 एप्रिल 2019 नंतर पाणी पुरवठा करू शकणार नाही म्हणून असमर्थता दाखविली आहे. अखेर जगाचा दु:खद प्रवास सुरू होण्याची ही वेळ कोणावरही येईल.पाणी जपून वापरा. पाण्याची नासडी थांबवा. आपण देखील लातुरला रेल्वेने पाणी पाठवलं होतं. जगात फक्त 2.7% पिण्यायोग्य पाणी आहे.

जवळच्या सर्वच धरणातील पाणी कमी झाल्याने भूगर्भातील पाणी पातळी खोलवर गेली आहे. तेव्हा   आपण एक जबाबदार नागरिक म्हणून पाण्याचा अपव्यय टाळून पाणी वाचवू. तुम्ही हे सहज करु शकता:-

1. रोज गाड्या धुवू नका.

2. अंगणात पाणी मारू नका.

3. सतत नळ चालू ठेऊ नका.

4. इतर अनेक चांगल्या उपाययोजना करुन त्यायोगे पाणी वाचवूया.

५) घरातील गळके नळ रिपेअर करा

६) सोसायटीतील गळकी टाकी , पाईप , बॉल कॉक रिपेअर करा

या संकटाचा एकत्र सामना करूया