महाराष्ट्र विधानपरिषदेवर निवडून आलेल्या सदस्यांना शपथ
मुंबई, दि. 8 :- महाराष्ट्र विधानपरिषदेवर विधानसभा सदस्यांद्वारे निर्वाचित झालेल्या दहा सदस्यांचा शपथविधी, प्रतिज्ञाग्रहण कार्यक्रम विधानपरिषदेच्या उपसभापती डॉ. नीलम गोऱ्हे यांच्या प्रमुख उपस्थितीत आज झाला.
दहा सदस्यांना शपथ
नवनिर्वाचित सदस्य रामराजे नाईक-निंबाळकर, एकनाथ खडसे, प्रवीण दरेकर, प्रा. राम शिंदे, अशोक ऊर्फ भाई जगताप, प्रसाद लाड, उमा खापरे, आमश्या पाडवी, श्रीकांत भारतीय, सचिन अहिर यांनी आज विधानपरिषद सदस्यत्वाची शपथ घेतली. विधानपरिषदेच्या उपसभापती डॉ. नीलम गोऱ्हे यांनी नवनिर्वाचित सदस्यांना शपथ दिली.
यावेळी विधानसभेचे सदस्य चंद्रकांत पाटील, कालिदास कोळंबकर, मंजुशा गावित, विधानपरिषद सदस्य तथा माजी मंत्री अनिल परब, अभिजित वंजारी, निलय नाईक, मनिषा कायंदे, विधानसभा माजी सदस्य तथा माजी मंत्री हर्षवर्धन पाटील, विधानसभा माजी सदस्य राज के.पुरोहित, विधानपरिषद माजी सदस्य चंद्रकांत रघुवंशी, शिवाजी दौंड यांच्यासह दोन्ही सभागृहांचे सन्माननीय सदस्य तसेच विधानमंडळाचे प्रधान सचिव राजेंद्र भागवत, उपसचिव राजेश तारवी उपस्थित होते.
****
No comments:
Post a Comment