पोलीस उपमहानिरीक्षक संजय शिंत्रे यांची
‘जय महाराष्ट्र’ कार्यक्रमात मुलाखत
दूरदर्शनच्या सह्याद्री वाहिनीवर 'जय महाराष्ट्र' कार्यक्रमात मंगळवारी रात्री 8.00 वाजता
समाज माध्यमावर रात्री 8.00 वाजता मुलाखतीचे प्रसारण
मुंबई, दि. 4 : माहिती व जनसंपर्क महासंचालनालय निर्मित 'जय महाराष्ट्र' कार्यक्रमात 'विधानसभा सार्वत्रिक निवडणूक- 2024’ आणि ‘समाज माध्यमांची भूमिका’ या विषयावर मुलाखत प्रसारित होणार आहे. समाजमाध्यमांचा वापर करणाऱ्या नागरिकांनी लोकशाहीला बाधा निर्माण होणार नाही यासाठी जबाबदारीने हे माध्यम हाताळण्याबाबत या कार्यक्रमात सायबर क्राईम विभागाचे पोलीस उपमहानिरीक्षक संजय शिंत्रे यांनी माहिती दिली आहे. निवेदक सुषमा जाधव यांनी ही मुलाखत घेतली आहे.
'जय महाराष्ट्र' कार्यक्रमात श्री.शिंत्रे यांची मुलाखत मंगळवार दि. 5 नोव्हेंबर 2024 रोजी रात्री 8.00 रात्री वाजता दूरदर्शनच्या सह्याद्री वाहिनीवर प्रसारित होणार आहे. महासंचालनालयाच्या समाजमाध्यमांवरील पुढील लिंकवर ऐकता येणार आहे.
महासंचालनालयाच्या समाजमाध्यमांच्या लिंक
एक्स- https://twitter.com/MahaDGIPR
फेसबुक - https://www.facebook.com/
यूट्यूब - https://www.youtube.co/
विधानसभा सार्वत्रिक निवडणुकीच्या अनुषंगाने मुख्य निवडणूक अधिकारी कार्यालयामार्फत निवडणूक शांततापूर्ण वातावरणात पार पडण्यासाठी नियोजन करण्यात आले आहे. विधानसभा निवडणुकीत ‘सायबर क्राईम विभागाची भूमिका आणि समाज माध्यमे हाताळताना घ्यावयाची काळजी’ याबाबत मुख्य निवडणूक अधिकारी कार्यालयामार्फत खबरदारी घेण्यात येत आहे. आचारसंहितेच्या काळात समाज माध्यमांवरून नियमांचे उल्लंघन होणार नाही, फेसबुक, इन्स्टाग्राम, एक्स इत्यादी माध्यमांवरून आक्षेपार्ह पोस्ट, तथ्यहीन माहिती पसरणे, निवडणूक प्रक्रियेत बाधा निर्माण करणे इत्यादीबाबत कोणती नियमावली जाहिर करण्यात आली आहे, याबाबत पोलीस उपमहानिरीक्षक श्री. शिंत्रे यांनी 'जय महाराष्ट्र' कार्यक्रमातून माहिती दिली आहे.
००००
No comments:
Post a Comment